AZHBR, në bashkëpunim me DG AGRI dhe OLAF, organizoi seminarin mbi menaxhimin e riskut dhe parandalimin e parregullsive të mundshme në zbatimin e programit IPARD III. Në aktivitet morën pjesë gjithashtu përfaqësues të Delegacionit të BE-së në Shqipëri dhe të gjithë strukturave të përfshira në zbatimin e programit IPARD.
Ky aktivitet shërbeu si një platformë e rëndësishme diskutimi për:
· Mekanizmat e kontrollit dhe raportimit
· Praktikat më të mira për identifikimin dhe parandalimin e parregullsive
· Përdorimin e mjeteve teknologjike për rritjen e transparencës dhe integritetit në menaxhimin e fondeve.
Seminari krijoi një hapësirë të vlefshme për shkëmbimin e përvojave dhe njohurive me ekspertët evropianë, duke forcuar angazhimin e përbashkët për një administrim të drejtë dhe të qëndrueshëm të fondeve të BE-së.
AZHBR mbetet e përkushtuar në sigurimin e një zbatimi transparent, efektiv dhe të qëndrueshëm të programeve të mbështetjes për bujqësinë dhe zhvillimin rural në vend.
