Masa 3: MBJELLJE BIMËSH MJEKËSORE DHE AROMATIKE
Mbështetje për kultivimin e bimëve mjekësore e aromatike në vlerën 60 000 (gjashtëdhjetë mijë) lekë/ha, për fermerë individual ose grup fermerësh, me sipërfaqe të mbjellë jo më pak se 1 (një) ha por jo më shumë se 1 000 000 (një milion) lekë për aplikant;
Përfitues të mundshëm: Fermerë individual, grup fermerësh, SHBB, person fizik ose juridik.
Aplikanti duhet të ketë NIPT aktiv.
- Aplikantë të kësaj mase janë fermerë që kultivojnë bimë mjekësore e aromatike;
- Në rastin e aplikimit si grup fermerësh duhet të kenë marrëveshje dakortësie, e cila ngarkohet në sistem.
- Aplikanti të ketë planvendosjen e parcelës/ave me të dhënat kryesore;
- Toka të jetë në pronësi të aplikantit dhe/ose me qira jo më pak se një vit, përfshirë edhe vitin e aplikimit.
- Të ketë faturë për blerjen e plehrave ose pesticdeve.
Aplikanti brenda vijës së financimit në listën e të kualifikuarve dorëzon dokumentacionin e specifikuar brenda 15 ditë kalendarike pas publikimit të kësaj liste.
Nuk kërkohen dokumenta shtesë për të dhënat e gjeneruara nga portali e-Albania dhe të konfirmuara në formularin online.
• Aplikimet on-line bëhen nga vetë aplikanti përmes portalit e-Albania.
