Në Berat vijuan takimet informuese me fermerë dhe agrobiznese në kuadër të promovimit të Kredisë së Butë me Garanci Sovrane. Në bashkëpunim me përfaqësues të bankave të nivelit të dytë, pjesëmarrësit u njohën me procedurat e aplikimit dhe udhëzimet praktike për të aksesuar këtë instrument financimi.
Skema mbështet investime në sektorë me rëndësi për zhvillimin rural, si bujqësia dhe blegtoria, agropërpunimi, mekanizimi bujqësor, turizmi rural dhe akuakultura detare.
Kredia ofrohet me kushte lehtësuese:
– Normë interesi fikse 2%
– Mbulim kolaterali deri në 70%
– Aplikimet pranë bankave të nivelit të dytë vijojnë në të gjithë vendin.
