Kristina, me energjinë e një vajze tepër dinamike të fton të sodisësh për pak pasionin e saj, të ndërtuar mrekullisht mes natyrës dhe qytetit historik të Gjirokastrës.
Shtëpitë e pushimit, pista e saj e kalërimit së bashku me stallën dhe kuajt janë një ndër atraksionet e veçanta që tërheqin çdo vit rreth 300 turistë.
“Kemi 12 shtëpi pritëse, që janë të vendosur në të gjithë territorin. Vitin e kaluar me turin e Vjosës, 12 ditor, përfshimë një fshat që nuk e kishim parë. Jemi në fazën që ajo që është autentike duhet ruajtur”.
Me mbështetjen e AZHBR, Kristina do të investojë në ngritjen e një piste të re kalërimi.
“Është një investim shumë i nevojshëm për ne. Na jep edhe shpresë më shumë!”
