Zeqir Beci prej 18 vitesh punon me përkushtim në bujqësi, duke kultivuar në një sipërfaqe prej 5.4 hektarësh kultura foragjere, pemë frutore, ullinj dhe vreshta, në Pezë të Madhe, Tiranë.
Me mbështetjen nga Skema Kombëtare e Investimeve pranë AZHBR, ka përfituar traktor dhe pajisje ndihmëse bujqësore, duke sjellë një ndryshim të dukshëm në ritmin e punës në fermë. Mekanizimi ka rritur efikasitetin, ka kursyer kohë dhe ka bërë proceset shumë më të lehta. Kjo skemë është një mbështetje konkrete për fermerët shqiptarë që duan të investojnë në modernizimin e aktiviteteve të tyre bujqësore.
Përmes Skemës Kombëtare të Investimeve, me 50% grant dhe mbështetjes nga Kredia e Butë të kombinuar me Garancinë Sovrane, çdo fermer mund të përfitojë financim me normë interesi vetëm 2% dhe mbulim kolaterali deri në 70%.
