Skema Kombëtare e Investimeve: Gentjana Dupi mbështetet për ndërtimin e një serre të re diellore

Gentjana Dupi është një ndër fermeret përfituese nga Skema Kombëtare e Investimeve, për ndërtimin e një serre diellore për kultivimin e perimeve në Kazaz, Kavajë. Serra ka një sipërfaqe prej 1 hektarësh dhe ka si destinacion tregun e jashtëm.
Gentjana nisi investimin duke përfituar 30% parapagesë, dhe për të vijuar më tej, ka aplikuar edhe për Kredinë e Butë në bujqësi. Skema Kombëtare e Investimeve është një mbështetje konkrete për të gjithë fermerët që duan të modernizojnë apo zgjerojnë aktivitetin e tyre.
Me 50% grant nga Skema Kombëtare e Investimeve dhe mbështetjes nga Kredia e Butë, e kombinuar me Garancinë Sovrane, fermerët dhe bizneset në bujqësi mund të përfitojnë financim me normë interesi vetëm 2% dhe mbulim kolaterali deri në 70%.