info@azhbr.gov.al
Tel: +355 42228318
E hënë – E premte

Qatipi modernizon fermën 4-hektarëshe me mbështetjen e Skemës Kombëtare të Investimeve

Agronom dhe fermer, Qatipi kultivon një sipërfaqe prej 4 hektarësh me mollë, qershi, mjedër, arra, vreshta dhe kultura foragjere.
Në sajë të mbështetjes nga Skema Kombëtare e Investimeve, ai ka investuar në një traktor dhe agregate ndihmëse, të cilat i kanë lehtësuar dhe rritur ndjeshëm efikasitetin e punëve në fermë.
Mbështetja për mekanizimin e fermave bujqësore vijon të jetë një nga prioritetet kryesore për fuqizimin e bujqësisë dhe rritjen e konkurrueshmërisë së fermerëve në vend.

Shtyhet afati i aplikimeve për Skemën Kombëtare 2026 deri më 6 korrik 2026

Informohen të gjithë fermerët dhe subjektet e interesuara se afati për aplikimet në kuadër të Skemës Kombëtare 2026 është shtyrë deri më 6 korrik 2026.
Ky vendim është marrë për t'u krijuar mundësi të gjithë fermerëve që ende nuk kanë përfunduar procesin e aplikimit, të kenë kohën e nevojshme për të dorëzuar kërkesat e tyre dhe për të përfituar nga mbështetja financiare e ofruar nëpërmjet Skemës Kombëtare.

Ftojmë të gjithë fermerët që nuk kanë aplikuar ende, të shfrytëzojnë këtë afat shtesë dhe të përfundojnë aplikimin e tyre brenda datës 6 korrik 2026.

Për informacion të mëtejshëm mbi kriteret, dokumentacionin dhe procedurat e aplikimit, fermerët mund të drejtohen pranë zyrave rajonale përkatëse ose të konsultojnë kanalet zyrtare të institucionit si dhe në faqen zyrtare www.azhbr.gov.al.

Afati i ri përfundimtar i aplikimeve: 6 korrik 2026, ora 16:30.

This will close in 0 seconds