Eda Bushi prej më shumë se 10 vitesh i është përkushtuar kultivimit të rrushit në serra në një sipërfaqe prej 1.5 hektarësh, që menaxhon së bashku me familjen, në fshatin Allkaj, Lushnjë. Me përkushtim dhe punë të vazhdueshme, ka ndërtuar një biznes bujqësor të qëndrueshëm, ku prodhimi shitet si në tregun vendas, ashtu edhe në eksport.
Në sajë të mbështetjes nga Skema Kombëtare e Investimeve, Eda ka investuar në blerjen e një traktori dhe pajisjeve ndihmëse që kanë përmirësuar ndjeshëm procesin e punës, duke sjellë rritje të rendimentit dhe cilësisë së prodhimit . Aplikimi për Skemën Kombëtare të Investimeve është i thjeshtë dhe i shpejtë, duke ofruar mbështetje të drejtpërdrejtë dhe efektive për fermerët.
Përmes Skemës Kombëtare të Investimeve, me 50% grant dhe mbështetjes nga Kredia e Butë të kombinuar me Garancinë Sovrane, çdo fermer mund të përfitojë financim me normë interesi vetëm 2% dhe mbulim kolaterali deri në 70%.
