info@azhbr.gov.al
Tel: +355 42228318
E hënë – E premte

Vaji i ullirit “Frateri” zgjeron prodhimin dhe forcon praninë në tregjet ndërkombëtare

Nga tradita e Fratarit në tregjet ndërkombëtare, vaji i ullirit “Frateri”, një brand i krijuar nga familja Canaj në Spitallë, Durrës, vijon me krenari trashëgiminë e krahinës së Fratarit në Mallakastër.
Duke bashkëpunuar me fermerë nga Mallakastra, Durrësi dhe Belsh, si dhe duke kultivuar sipërfaqet e veta me ullinj, kompania garanton cilësi dhe autenticitet në çdo produkt.
Rritja e kërkesës në treg ka sjellë nevojën për zgjerimin e kapaciteteve prodhuese. Për këtë arsye, kompania do të investojë në linja të reja përpunimi dhe ambalazhimi, në kuadër të kontratës së lidhur me AZHBR për Skemën Kombëtare të Investimeve.
Sot, vaji i ullirit “Frateri” furnizon tregun vendas dhe eksportohet me sukses në Evropë dhe SHBA, duke promovuar vlerat e prodhimit shqiptar dhe markën Made in Albania.

Shtyhet afati i aplikimeve për Skemën Kombëtare 2026 deri më 6 korrik 2026

Informohen të gjithë fermerët dhe subjektet e interesuara se afati për aplikimet në kuadër të Skemës Kombëtare 2026 është shtyrë deri më 6 korrik 2026.
Ky vendim është marrë për t'u krijuar mundësi të gjithë fermerëve që ende nuk kanë përfunduar procesin e aplikimit, të kenë kohën e nevojshme për të dorëzuar kërkesat e tyre dhe për të përfituar nga mbështetja financiare e ofruar nëpërmjet Skemës Kombëtare.

Ftojmë të gjithë fermerët që nuk kanë aplikuar ende, të shfrytëzojnë këtë afat shtesë dhe të përfundojnë aplikimin e tyre brenda datës 6 korrik 2026.

Për informacion të mëtejshëm mbi kriteret, dokumentacionin dhe procedurat e aplikimit, fermerët mund të drejtohen pranë zyrave rajonale përkatëse ose të konsultojnë kanalet zyrtare të institucionit si dhe në faqen zyrtare www.azhbr.gov.al.

Afati i ri përfundimtar i aplikimeve: 6 korrik 2026, ora 16:30.

This will close in 0 seconds