AZHBR-ja u ngarkua me administrimin e fondeve të programit për bujqësinë dhe zhvillimin rural, konkretisht:
– Fondet e Buxhetit të Shtetit për mbështetjen e drejtpërdrejtë të prodhimit bujqësor;
– Fondet e Buxhetit të Shtetit për zhvillimin e infrastrukturës së tregjeve bujqësore;
– Fondet kundërparti të Projektit 2KR.
Kriteret e përgjithshme të përdorimit të fondeve kundërparti të Projektit 2KR u përcaktuan me vendim të veçantë të Këshillit të Ministrave.
AZHBR-ja u ngarkua me hartimin dhe propozimin e projekteve, si dhe me marrjen e masave për krijimin dhe administrimin e databazave dhe të logjistikës së teknologjisë së informacionit (IT), të nevojshme për funksionimin e saj, sipas standardeve të Bashkimit Evropian.
Rregullat dhe procedurat e funksionimit të brendshëm të AZHBR-së, si dhe ndarja e detyrave, përgjegjësive dhe kompetencave ndërmjet saj, Drejtorive Rajonale të Bujqësisë, Ushqimit dhe Mbrojtjes së Konsumatorit (DRBUMK) dhe aktorëve të tjerë të sistemit të bujqësisë dhe ushqimit, u përcaktuan me udhëzim të veçantë të Ministrit të Bujqësisë, Ushqimit dhe Mbrojtjes së Konsumatorit.
Efektet financiare që rrjedhën nga zbatimi i këtij vendimi u përballuan nga Buxheti i Shtetit, i miratuar për Ministrinë e Bujqësisë, Ushqimit dhe Mbrojtjes së Konsumatorit.
Për zbatimin e vendimit u ngarkua Ministria e Bujqësisë, Ushqimit dhe Mbrojtjes së Konsumatorit.
