Në vijim të turit të takimeve teknike në terren për Skemën Kombëtare 2026, stafi i Agjencisë për Zhvillim Bujqësor dhe Rural (AZHBR) zhvilloi takime informuese me fermerët në Vlorë, Himarë dhe Skrapar.
Specialistët e AZHBR-së prezantuan kriteret, procedurat e aplikimit dhe masat mbështetëse të skemës, duke ofruar sqarime teknike mbi pagesat direkte dhe investimet. Takimet synuan informimin e plotë të fermerëve dhe orientimin e tyre për përfitimin nga masat mbështetëse të Skemës Kombëtare 2026.
Aplikimet janë të hapura deri më 26 qershor 2026.
Për asistencë dhe informacion shtesë, fermerët mund të drejtohen pranë Agropikave dhe Agjencive Rajonale të Ekstensionit Bujqësor (AREB), si dhe të kontaktojnë në numrin e gjelbër 0800 83 83 ose në adresën e e-mailit: info@azhbr.gov.al.
