Takimet informuese në terren për Skemën Kombëtare 2026 vijuan në Fier, Lushnjë dhe Divjakë, ku stafi teknik i AZHBR-së u takua me fermerë dhe përfaqësues të sektorit bujqësor.
Gjatë takimeve u prezantuan procedurat dhe kriteret e aplikimit, si dhe dokumentacioni i nevojshëm për përfitimin nga masat mbështetëse të skemës. Specialistët e AZHBR-së iu përgjigjën pyetjeve të fermerëve dhe ofruan orientim praktik për procesin e aplikimit.
Skema Kombëtare 2026 përfshin 9 masa mbështetëse direkte dhe 3 masa investimesh, të projektuara për të ulur kostot e prodhimit, për të rritur konkurrueshmërinë dhe për të mbështetur zhvillimin e qëndrueshëm të fermave në të gjithë vendin.
Aplikimet janë të hapura deri më 26 qershor 2026.
