Në kuadër të rritjes të kapaciteteve institucionale, stafi i Agjencisë për Zhvillim Bujqësor dhe Rural (AZHBR) ka nisur një cikël trajnimesh që synon identifikimin dhe parandalimin e parregullsive të mundshme gjatë implementimit të programit IPARD III.
Trajnimet po udhëhiqen nga ekspertë ndërkombëtarë, me mbështetjen teknike dhe ekspertizën e ofruar nga Programi TAIEX i Bashkimit Evropian, me fokus përmbushjen e standardeve të BE-së.
Ky bashkëpunim synon përmirësimin e procedurave dhe forcimin e sistemeve të menaxhimit, kontrollit dhe auditimit të parregullsive, përfshirë planifikimin strategjik për menaxhimin e fondeve, me qëllim sigurimin e një zbatimi efikas dhe transparent.
