Sot u mbajt një takim në ambientet e Bashkisë së Roskovecit, me fokus turizmin rural dhe zhvillimin e investimeve në këtë zonë të Fierit. Tradita, kulinaria, historia dhe biznesi, përzihen mirë në natyrën e larmishme të Roskovecit; siç u shpreh dhe Kryetarja e Bashkisë zonja Majlinda Bufi. Në takim ishin përfaqësues biznesesh dhe sipërmarrës lokal, me interes të lartë në zhvillimin e mëtejshëm dhe investimin në agroturizëm. Drejtore e përgjithëshme e AZHBR, Eranda Selmanaj, referoi gatishmërinë e këtij institucioni për të financuar iniciativa të tilla, me vizion të qartë drejt shërbimit, akomodimit, ushqimit dhe programeve rekreative që i shërbejnë turizmit rural. Në takim u prezantua edhe një broshurë në formën e guidës turistike, që përmban informacione për Roskovecin dhe gjithçka që ofron kjo zonë, përmes programit “Reload” dhe organizata “New Bridge”, me financimin e Bashkisë Roskovec.
