Drejtoresha e Përgjithshme e AZHBR, znj. Ardita Kuçi, mori pjesë në Konferencën e 24-t të Agjencive të Pagesave të vendeve baltike dhe të vendeve anëtare të BE-së.
Konferenca me temë “Inovacioni dhe Teknologjia – Çelësi për Zbatimin e Planit Strategjik të Bujqësisë dhe Zhvillimit Rural 2023–2027” u përqendrua tek përdorimi i inteligjencës artificiale dhe zgjidhjeve digjitale në mbështetje të fermave dhe në administrimin e programeve subvencionuese. Diskutimet sollën shkëmbimin e përvojave mbi mënyrën se si teknologjitë e reja po transformojnë punën dhe ofrimin e shërbimeve për fermerët.
AZHBR prej një viti ka një marrëveshje bashkëpunimi me agjencinë homologe të Lituanisë, ku shkëmbimi i përvojave dhe praktikave të mira është në fokus të veprimtarive të përbashkëta. Pjesëmarrja në këtë konferencë ishte një mundësi e vlefshme për të ndërtuar ura bashkëpunimi dhe për të sjellë ide të reja në zhvillimin rural në vend.
