Drejtoresha e Përgjithshme e AZHBR, znj. Ardita Kuçi, së bashku me stafin, zhvilloi një takim teknik me fermerët e qarkut Berat në kuadër të Skemës Kombëtare të Investimeve 2025.
Gjatë takimit u sqaruan kriteret e aplikimit dhe pjesëmarrësit patën mundësi të merrnin përgjigje të detajuara për çdo pyetje konkrete që kishin lidhur me aplikimin. Skema ofron 50% grant dhe mund të kombinohet me Kredinë e Butë me normë interesi deri në 2% dhe Garancinë Sovrane me mbulim kolaterali deri në 70%.
Aplikimet janë të hapura deri më 30 shtator 2025. Për më shumë informacion dhe asistencë teknike, fermerët mund të drejtohen pranë Agropikave, zyrave të AREB ose të kontaktojnë në numrin e gjelbër: 0800 83 83.
