Kreu i AZHBR, Frida Krifca dhe zv/kryeministrja Senida Mesi takojnë fermerët e Shkodrës

Në vazhdimin të turit të promovimit të Masave Mbështetëse për Bujqësinë dhe Zhvillimin Rural, AZHBR bashkë me Zv -kryeministren, u ndalën këtë herë në qarkun e Shkodrës për të takuar fermerë, kryetarët e njësive administrative dhe grupe të tjera interesi.

Drejtoresha e AZHBR Znj. Frida Krifca bashkë me zv kryeministren Znj. Senida Mesi bënë me dije për të gjithë të pranishmit frymën e masave mbështetëse për vitin 2018, duke vendosur theksin në faktin që mbështetja e këtij viti është me madhja ndonjëherë për bujqësinë dhe zhvillimin rural. Gjithashtu, kujtuan risinë e rëndësishme të këtij viti që të interesuarit mund të aplikojnë me zero dokumenta për masat direkte të mbështetjes.

Më tej punonjës të AZHBR, kanë shpjeguar për të pranishmit përmbajtjen e 52 masave të mbështetjes dhe mënyrën e aplikimit.

Agjensia për Zhvillimin Bujqësor dhe Rural ka eksluzivisht ne këtë proces detyrën dhe përgjegjësinë e informimit dhe realizimin e fushatës së aplikimeve, ndaj një grup prej 30 punonjësish të kësaj agjensie prej ditësh kanë nisur në terren takime me bazë të gjerë për të sqaruar të gjithë të interesuarit me çdo paqartësi që mund të kenë për proçesin e aplikimit apo përmbajtjen e Skemave Mbështetëse 2018.

I ftojmë të gjithë të interesuarit të marrin pjesë aktive në këto takime dhe për çdo paqartësi të kontaktojnë me punonjës të AZHBR-së në Agropika  apo Drejtoritë e Bujëqesisë në rrethe dhe të vizitojnë web: Azhbr.gov.al